నవతెలంగాణ-ప్రత్యేక ప్రతినిధి
భారత మాజీ ఉప ప్రధాని, దళితోద్దారకుడు డాక్టర్‌ జగ్జీవన్‌రామ్‌ జయంతిని పురస్కరించుకొని డీజీపీ కార్యాలయంలో బుధవారం జరిగిన ఒక కార్యక్రమంలో ఆయన చిత్రపటానికి పూలమాలలు వేసి రాష్ట్ర డీజీపీ అంజనీ కుమార్‌ ఘన నివాళులు అర్పించారు. ఆయనతో పాటు డీజీపీ కార్యాలయంలోని పలువురు సీనియర్‌ ఐపీఎస్‌ అధికారులు కూడా జగ్జీవన్‌రామ్‌కు నివాళులు ఘటించారు. ఈ సందర్భంగా డీజీపీ మాట్లాడుతూ.. దేశంలో దళితుల అభ్యున్నతికి నిర్విరామంగా కృషి చేసిన గొప్పనాయకుడు బాబూ జగ్జీవన్‌రామ్‌ అని కొనియాడారు. పేదరికం నుంచి ఎదిగి దేశంలోనే గొప్ప దళిత నాయకుడిగా పేరు గాంచి ఉప ప్రధాని హోదాలో దేశ అభ్యుదయానికి అనేక సంస్కరణలు తీసుకొచ్చిన గొప్ప సంస్కర్త బాబూ జగ్జీవన్‌రామ్‌ అని ఆయన అన్నారు. ఆయన ఆశయాలు ప్రతి ఒక్కరి ఆదర్శప్రాయాలుగా అభివర్ణించారు.