- సీఎస్‌ శాంతి కుమారి, డీజీపీ అంజనీ కుమార్‌
నవతెలంగాణ బ్యూరో-హైదరాబాద్
నేటి యువతకు నిఖత్‌ జరీన్‌ జీవితం స్ఫూర్తిదాయకమని ప్రభుత్వ ప్రధాన కార్యదర్శి శాంతి కుమారి తెలిపారు. 2023 ప్రపంచ బాక్సింగ్‌ ఛాంపియన్‌షిప్‌ 50 కిలోల విభాగంలో బంగారు పతకాన్ని కైవసం చేసుకొని రికార్డ్‌ సృష్టించిన నిఖత్‌ జరీన్‌ను గురువారం రాష్ట్ర ప్రభుత్వ ప్రధాన కార్యదర్శి శాంతి కుమారి, డీజీపీ అంజనీ కుమార్‌ అభినందిం చారు. బీఆర్‌కే భవన్‌ లో సీఎస్‌ను ్‌ నిఖత్‌ జరీన్‌ మర్యాదపూర్వకంగా కలిశారు. ప్రపంచ చాంపియన్‌ షిప్‌ను సాధించి భారత దేశంతో పాటు తెలంగాణా ఖ్యాతిని ప్రపంచ పటంలో నిలిపిన నిఖత్‌ జరీన్‌ను సీఎస్‌. శాంతి కుమారి అభినందించారు. ఈ కార్య క్రమంలో క్రీడలు, యువజన సంక్షేమ శాఖ ముఖ్య కార్యదర్శి సందీప్‌ కుమార్‌ సుల్తానియా, ఎస్‌.సి అభివృద్ధి శాఖ కార్యదర్శి రాహుల్‌ బొజ్జా పాల్గొన్నారు.
