నవతెలంగాణ బ్యూరో-హైదరాబాద్‌
          గురుకులాల్లో ఉద్యోగాల భర్తీకి నోటిఫికేషన్‌ విడుదలైంది. మొత్తం 9,231 పోస్టులకు గాను గురుకుల విద్యా సంస్థల నియామక బోర్డు 19 నోటిఫికేషన్లను గురువారం విడివిడిగా విడుదల చేసింది. డిగ్రీ కళాశాలల్లో 868, అధ్యాపక, ఫిజికల్‌ డైరెక్టర్‌ లైబ్రేరియన్‌ పోస్టులను భర్తీ చేయనున్నట్టు పేర్చొన్నది. జూనియర్‌ కళాశాలల్లో 2008 లెక్చరర్లు, పాఠశాలల్లో 1,276 పీఈటీ, 434 లైబ్రేరియన్‌, 275 ఫిజికల్‌ డైరెక్టర్‌, 134 ఆర్ట్స్‌, 92 క్రాప్ట˜్‌, 124 మ్యూజిక్‌, 4,020 టీజీటీ పోస్టులను భర్తీ చేయనున్నట్టు షార్ట్‌ నోటిఫికేషన్‌లో పేర్కొన్నది. ఈ నెల 12 నుంచి వన్‌ టైం రిజిస్ట్రేషన్‌ 17 నుంచి ఆన్‌లైన్‌లో దరఖాస్తు చేసుకోవచ్చని కన్వీనర్‌ మల్లయ్య భట్టు తెలిపారు. సాంఘిక సంక్షేమం, గిరిజన సంక్షేమం, మహాత్మా జ్యోతిబా పూలే వెనుకబడిన వర్గాల సంక్షేమ రెసిడెన్సియల్‌ ఎడ్యూకేషనల్‌ సొసైటీలకు వేర్వేరుగా ఉద్యోగ ఖాళీలకు సంబంధించి. వయో పరిమితి, విద్యార్హత, ఇతర వివరాలతో పూర్తి నోటిఫికేషన్లు దరఖాస్తుల ప్రారంభమైన రోజు నుంచి తమ అధికారిక వెబ్‌సైట్‌ అందుబాటులో ఉంటాయని మల్లయ్య భట్టు వెల్లడించారు. అయితే పేర్కొన్న పోస్టుల సంఖ్యలో హెచ్చుతగ్గులు ఉంచొచ్చని తెలిపారు. పూర్తిస్థాయి నోటిఫికేషన్‌ విడుదలైన తర్వాత మొత్తం వివరాలపై ఓ స్పష్టత రానున్నదని పేర్కొ న్నారు. గ్రాడ్యుయేషన్‌ టీచర్‌ పోస్టులు 4,020 ఉండగా.. ఈ నెల 28 నుంచి మే 27 వరకు ఆన్‌లైన్‌లో దరఖాస్తులు స్వీకరించనున్నారు. వేతన స్కేలు రూ.12,300 నుంచి రూ. 1,15,270వరకు ఉండనుంది. డిగ్రీ కళాశాలల్లో మొత్తం 868 పోస్టులకు గాను వేతనం రూ.54,220 నుంచి రూ. 1,33,630గా ఉంటుంది. వయో పరిమితి, పోస్టుల వారీగా వేతనం, కమ్యూనిటీ, విద్యార్హతలు, ఇతర వివరాలతో ఈ నెల 17న పూర్తిస్థాయి నోటిఫికేషన్‌ విడుదల చేయనున్నారు. ఈ నెల 17 నుంచి మే 17 వరకు అర్హులైన అభ్యర్థుల నుంచి దరఖాస్తులు స్వీకరిస్తారు. అలాగే జూనియర్‌ కళాశాలల్లో 2008 పోస్టులకు (జూనియరల్‌ లెక్చరర్‌్‌, ఫిజికల్‌ డైరెక్టర్‌/ లైబ్రేరియన్‌) వేతనం రూ.54,220 నుంచి రూ.1,33,630 వరకు ఉండ నుంది. ఆయా పోస్టులకు అర్హులైన అభ్యర్థులు ఈ నెల 17 నుంచి మే 17 వరకు ఆన్‌లైన్‌ దరఖాస్తులు చేసుకోవచ్చని కన్వీనర్‌ ఈ సందర్భంగా పేర్కొ న్నారు. పోస్టు గ్రాడ్యూయేషన్‌ టీచర్‌ ఉద్యోగాల్లో మొత్తం 1,276 పోస్టుల కు ఏప్రిల్‌ 24 నుంచి మే24 వరకు ఆన్‌లైన్‌ దరఖాస్తులను స్వీకరించనున్నారు.
వేతనం రూ.45,960 నుంచి రూ.1,24,150గా ఉంటుంది. మూడు గురుకుల సొసైటీల్లోని పాఠశాలల్లో 434 లైబ్రేరియన్‌ పోస్టులకు ఏప్రిల్‌ 24 నుంచి మే 24 వరకు దరఖాస్తులు చేసుకోవచ్చు. వేతనం రూ. 38,890 నుంచి రూ.1,12,510గా ఉండనుంది. ఫిజికల్‌ డైరెక్టర్‌ పోస్టులు 275 ఉండగా వీటికి కూడా అదే తేదీల్లో దరఖాస్తులు స్వీకరించ నున్నారు. వేతనం రూ. 42,300 నుంచి రూ.1,15,270 మధ్య ఉండనుంది. ఆర్ట్‌ టీచర్‌, డ్రాయింగ్‌ టీచర్‌ పోస్టులు 134 ఉండగా, క్రాప్ట్‌ టీచర్‌, క్రాప్ట్‌ ఇన్‌ స్పెక్టర్‌ పోస్టులు 92 ఉన్నాయి. మ్యూజిక్‌ టీచర్‌ పోస్టులు 124 ఉన్నాయి.