- 15న బాగేపల్లి అభ్యర్థి అనిల్‌ కుమార్‌ నామినేషన్‌
నవతెలంగాణ-న్యూఢిల్లీ బ్యూరో
కర్నాటక అసెంబ్లీ ఎన్నికల్లో సీపీఐ(ఎం) నాలుగు స్థానాల్లో పోటీ చేయనున్నది. ఆయా నియోజకవర్గాలకు సంబంధించిన అభ్యర్థులను ఆ పార్టీ కర్నాటక రాష్ట్ర కమిటీ ప్రకటించింది. బాగేపల్లి నియోజకర్గం నుంచి డాక్టర్‌ అనిల్‌ కుమార్‌, కెజీఎఫ్‌ నియోజకవర్గం నుంచి పి. తంగరాజు, కెఆర్‌ పురం నియోజకవర్గం నుంచి నంజేగౌడ, కల్బుర్గి రూరల్‌ నియోజకవర్గం నుంచి పాండురంగ మావినాకర్‌ పోటీ చేయనున్నారు. బాగేపల్లిలో అభ్యర్థి అనిల్‌ కుమార్‌ ఈనెల 15న నామినేషన్‌ దాఖలు చేయనున్నారు. అనంతరం బహిరంగ సభ జరగనుంది. ఈ కార్యక్రమానికి సీపీఐ(ఎం) ప్రధాన కార్యదర్శి సీతారాం ఏచూరి పాల్గొననున్నారు.
మీ స్నేహితులకు రికమెండ్ చెయ్యండి
