- 2.83 లక్షల మంది అప్లై
నవతెలంగాణ బ్యూరో - హైదరాబాద్‌
రాష్ట్రంలో ఇంజినీరింగ్‌, అగ్రికల్చర్‌, ఫార్మసీ, బీఎస్సీ నర్సింగ్‌ కోర్సుల్లో ప్రవేశాల కోసం నిర్వహించే ఎంసెట్‌కు భారీగా దరఖాస్తులొస్తున్నాయి. ఇప్పటి వరకు 2,83,128 మంది అభ్యర్థులు దరఖాస్తు చేశారని ఎంసెట్‌ కన్వీనర్‌ డీన్‌కుమార్‌ శనివారం ఒక ప్రకటనలో తెలిపారు. ఆలస్య రుసుం లేకుండా దరఖాస్తుల సమర్పణకు తుది గడువు సోమవారం వరకు ఉందని పేర్కొన్నారు. ఇంజినీరింగ్‌ విభాగానికి 1,81,693 మంది, అగ్రికల్చర్‌, ఫార్మసీ విభాగానికి 1,01,138 మంది, రెండు విభాగాలకు 297 మంది కలిపి మొత్తం 2,83,128 మంది అభ్యర్థులు దరఖాస్తు చేశారని వివరించారు. వచ్చేనెల 10,11 తేదీల్లో ఎంసెట్‌ అగ్రికల్చర్‌, ఫార్మసీ విభాగం, అదేనెల 12 నుంచి 14వ తేదీ వరకు ఎంసెట్‌ ఇంజినీరింగ్‌ విభాగం రాతపరీక్షలను ఆన్‌లైన్‌లో నిర్వహిస్తున్న విషయం తెలిసిందే.