నవతెలంగాణ-హైదరాబాద్‌బ్యూరో
రాష్ట్రంలోని విద్యుత్‌ పంపిణీ సంస్థలకు ఇండిపెండెంట్‌ పవర్‌ ప్రొడ్యూసర్స్‌ అసోసియేషన్‌ ఆఫ్‌ ఇండియా (ఐపీపీఏఐ) అవార్డులు లభించాయి. ఉత్తమ పనితీరు కనబర్చినందుకు దక్షిణ తెలంగాణ విద్యుత్‌ పంపిణి సంస్థ (టీఎస్‌ఎస్పీడీసీఎల్‌)కు మొదటి అవార్డు లభించింది. అలాగే వినియోగదారులకు అవగాహన కల్పించడంలోనూ అవార్డు వచ్చింది. కర్ణాటకలోని బెల్గాంలో జరిగిన కార్యక్రమంలో ఈ అవార్డులను ప్రదానం చేశారు. ఉత్తర విద్యుత్‌ పంపిణీ సంస్థ (టీఎస్‌ఎన్పీడీసీఎల్‌)కు కూడా నాలుగు విభాగాల్లో అవార్డుల లభించాయి. ఆయా డిస్కంల మేనేజర్లు ఈ అవార్డుల్ని అందుకున్నారు. ఈ సందర్భంగా ఉత్తర, దక్షిణ విద్యుత్‌ పంపిణీ సంస్థల సీఎమ్‌డీలు ఏ గోపాలరావు, జీ రఘుమారెడ్డి విద్యుత్‌ ఉద్యోగులకు అభినందనలు తెలిపారు.
మీ స్నేహితులకు రికమెండ్ చెయ్యండి
