నవతెలంగాణ - కౌటాల
కుమురం భీం-ఆసిఫాబాద్‌ జిల్లా కౌటాల మండలం ముత్తంపేట గ్రామానికి చెందిన దోని రాజులు(70) వడదెబ్బతో బుధవారం మృతి చెందాడు. కుటుంబీకులు తెలిపిన వివరాల ప్రకారం.. ఉదయం పొలానికి వెళ్లిన రాజులు.. మధ్యాహ్నం వరకు అక్కడే ఉన్నాడు. ఈ సమయంలో ఎండ తీవ్రంగా ఉండటంతో వడదెబ్బకు గురై మధ్యాహ్నం తిరిగి ఇంటికి వచ్చాడు. వచ్చిన కొద్దిసేపటికి ఆయాసంగా ఇబ్బంది అనిపించడంతో భార్య రాజుబాయికి చెప్పాడు. దాంతో కుటుం బీకులు అతన్ని వెంటనే ఆస్పత్రికి తరలించే ఏర్పాట్లు చేశారు. సిర్పూర్‌(టి) సామాజిక ఆస్పత్రికి తీసుకెళ్తుండగా మార్గమధ్యలోనే మృతి చెందాడు.
మీ స్నేహితులకు రికమెండ్ చెయ్యండి
