నవతెలంగాణ బ్యూరో - హైదరాబాద్‌
ఏపీ మంత్రులపై టీఎస్‌ఎంఐడీసీ చైర్మెన్‌ డాక్టర్‌ ఎర్రోళ్ల శ్రీనివాస్‌ ఆగ్రహం వ్యక్తం చేశారు. వైఎస్సాఆర్సీపీ మంత్రులు అవగాహనా రాహిత్యంతో మాట్లాడుతున్నారని ఒక ప్రకటనలో తెలిపారు. మంత్రి హరీశ్‌ రావు మాట్లాడినదాన్ని వక్రీకరించి పిచ్చి పిచ్చి కూతలు కూస్తున్నారని విమర్శించారు. తెలంగాణ ప్రజలు సంతోషంగా ఉన్నారన్నారు.
ఆత్మగౌరవంపై దాడి : ఎమ్మెల్యే సైదిరెడ్డి
మంత్రి హరీష్‌ రావు పై ఏపీ మంత్రుల వ్యాఖ్యలు తెలంగాణ ఆత్మగౌరవం మీద దాడి అని ఎమ్మెల్యే సైదిరెడ్డి విమర్శించారు. హరీష్‌ రావు దేశం లో అందరు మంత్రులకు ఆదర్శమని తెలిపారు. గురువారం హైదరాబాద్‌లో ఆయన మీడియా సమావేశంలో మాట్ల్షాడరు. ఏపీ లో అన్ని పార్టీలు మోడీ పార్టీలుగా మారాయని విమర్శించారు. హరీష్‌రావు లాంటి వారి మీద మాట్లాడేపుడు వంద సార్లు ఆలోచించుకోవాలని హెచ్చరించారు.