నవతెలంగాణ బ్యూరో - హైదరాబాద్
అనారోగ్యంతో నిమ్స్‌లో చికిత్స పొందుతున్న బలగం సినిమా గాయ కుడు పస్తం మొగిలయ్యను రాష్ట్ర ప్రణాళికా సంఘం ఉపాధ్యక్షులు బోయిన పల్లి వినోద్‌ కుమార్‌ శుక్రవారం రాత్రి పరామర్శించారు. మొగిలయ్య ఆరోగ్య పరిస్థితిని వైద్యులను అడిగి తెలుసుకున్నారు. మెరుగైన వైద్యం అందించాలని వినోద్‌ కుమార్‌ వారికి సూచించారు. మొగిలయ్యకు ధైర్యం చెప్పి... ప్రభుత్వ పరంగా అన్ని రకాలుగా ఆదుకుంటామని భరోసా ఇచ్చారు. మెరుగైన డయాలసిస్‌, కంటి పరీక్షలు జరిపిస్తామని తెలిపారు. నర్సంపేట ఎమ్మెల్యే పెద్ది సుదర్శన్‌ రెడ్డి, వరంగల్ కలెక్టర్‌ ప్రావీణ్యలతో కూడా వినోద్‌ కుమార్‌ ఫోన్‌లో మాట్లాడారు.
మీ స్నేహితులకు రికమెండ్ చెయ్యండి
