- నేడే మోడల్‌ స్కూళ్లు, గురుకులాల్లో సీట్ల భర్తీకి ఎగ్జామ్స్‌
- ఆందోళనలో విద్యార్థులు
నవతెలంగాణ బ్యూరో - హైదరాబాద్‌
          రాష్ట్రంలోని మోడల్‌ స్కూళ్లలో, గురుకుల విద్యాలయాల్లో ఆరో తరగతిలో ప్రవేశాలకు సంబంధించిన ప్రవేశ పరీక్షలు ఆదివారం ఒకేరోజు జరుగుతున్నాయి. దీంతో రెండు పరీక్షలకు దరఖాస్తు చేసిన విద్యార్థులు ఆందోళన చెందుతున్నారు. మోడల్‌ స్కూళ్లలో ఆరో తరగతి ప్రవేశాల కోసం ఆదివారం ఉదయం 10 నుంచి మధ్యాహ్నం 12 గంటల వరకు రాతపరీక్ష జరగనుంది. అదేరోజు గురుకుల విద్యాలయాల్లో ఆరు నుంచి తొమ్మిదో తరగతి వరకు మిగిలిపోయిన సీట్ల భర్తీ కోసం నిర్వహించే రాతపరీక్ష ఉదయం 11 నుంచి మధ్యాహ్నం ఒంటగంట వరకు నిర్వహించనున్నారు. చాలా మంది విద్యార్థులు రెండు పరీక్షలకు దరఖాస్తు చేశారు. కానీ పరీక్ష రాసేందుకు ఒకే సమయం ఉండడంతో మానసికంగా ఆవేదనకు గురవుతున్నారు. ఓ విద్యార్థి మోడల్‌ స్కూల్‌లో ఆరో తరగతి ప్రవేశ పరీక్ష సూర్యాపేటలో రాయాల్సి ఉన్నది. అదే విద్యార్థికి గురుకుల ప్రవేశ పరీక్ష కేంద్రం రంగారెడ్డి జిల్లా ఇబ్రహీంపట్నంలో వేశారు. ఒకే పట్టణంలో పరీక్షా కేంద్రాలున్నా విద్యార్థులు హాజరయ్యేందుకు వీలు కాదు. ఎందుకంటే సమయం ఒకటే ఉండడం గమనార్హం. రెండు ప్రవేశ పరీక్షలను ఒకే తేదీలో నిర్వహించడాన్ని విద్యార్థులు, తల్లిదండ్రులు తప్పుపడుతున్నారు. వేర్వేరు తేదీల్లో నిర్వహిస్తే అందరికీ న్యాయం జరిగేదని సూచిస్తున్నారు. మోడల్‌ స్కూళ్లలో ఆరు నుంచి పదో తరగతి వరకు ప్రవేశాల కోసం ఆదివారం రాతపరీక్ష జరగనుంది. ఆదివారం ఉదయం 10 నుంచి మధ్యాహ్నం 12 గంటల వరకు ఆరో తరగతి, మధ్యాహ్నం రెండు నుంచి సాయంత్రం నాలుగు గంటల వరకు ఏడు నుంచి పదో తరగతి వరకు దరఖాస్తు చేసిన విద్యార్థులకు పరీక్ష నిర్వహిస్తారు. ఈనెల ఆరో తేదీ నుంచి షషష.్‌రఎశీసవశ్రీరషష్ట్రశీశీశ్రీర.షశీఎ వెబ్‌సైట్‌ ద్వారా హాల్‌టికెట్లను డౌన్‌లోడ్‌ చేసుకునేందుకు అవకాశం కల్పించారు. రాష్ట్రవ్యాప్తంగా 70,041 మంది విద్యార్థులు దరఖాస్తు చేశారు. ఈ పరీక్షకు హాజరయ్యే విద్యార్థులందరూ మాస్క్‌ ధరించాలని, కోవిడ్‌ నిబంధనలతోపాటు భౌతిక దూరాన్ని పాటించాలని అధికారులు సూచించారు.