నవతెలంగాణబ్యూరో-హైదరాబాద్
తెలంగాణ తహశీల్దార్స్‌ అసోసియేషన్‌(టీజీటీఏ) రాష్ట్ర ప్రధాన కార్యదర్శిగా ఎస్‌పీఆర్‌ మల్లేష్‌కుమార్‌ ఏకగ్రీవంగా ఎన్నికయ్యారు. సోమవారం హైదరాబాద్‌లో టీజీటీఏ రాష్ట్ర అధ్యక్షులు ఎస్‌.రాములు అధ్యక్షతన సమావేశం జరిగింది. ఇప్పటి వరకు రాష్ట్ర ప్రధాన కార్యదర్శిగా కొనసాగిన రమేష్‌పాక తన వ్యక్తిగత కారణాలతో స్వచ్ఛందంగా ఆ పదవీ నుంచి తప్పుకున్నారు. దీంతో రాష్ట్ర కమిటీ సమావేశంలో మల్లేష్‌కుమార్‌ను ప్రధాన కార్యదర్శిగా ఎన్నుకున్నారు. ఈ సమావేశంలో అసోసియేట్‌ ప్రెసిడెంట్‌ ఎం.శ్రీనివాస్‌శంకర్‌రావు, తదితరులు పాల్గొన్నారు.
మీ స్నేహితులకు రికమెండ్ చెయ్యండి
