నవతెలంగాణ బ్యూరో - హైదరాబాద్‌
            రాష్ట్రంలో బీఎడ్‌ కోర్సులో ప్రవేశాల కోసం నిర్వహించే ఎడ్‌సెట్‌-2023 దరఖాస్తు గడువును ఈనెల 25వ తేదీ వరకు ప్రభుత్వం పొడిగించింది. ఈ మేరకు ఎడ్‌సెట్‌ కన్వీనర్‌ ఎ రామకృష్ణ గురువారం ఒక ప్రకటన విడుదల చేశారు. ఆలస్య రుసుం లేకుండా ఈనెల 25వ తేదీ వరకు దరఖాస్తు చేయొచ్చని సూచించారు. ఫైనల్‌ ఇయర్‌ లేదా సెమిస్టర్‌ విద్యార్థులు కూడా దరఖాస్తు చేసేందుకు అవకాశముందని తెలిపారు. వచ్చేనెల 18న ఎడ్‌సెట్‌ రాతపరీక్షను నిర్వహిస్తామని పేర్కొన్నారు. ఇతర వివరాలకు https:// edcet.tsche.ac.in వెబ్‌సైట్‌ను సంప్రదించాలని సూచించారు. ఎడ్‌సెట్‌కు ఇప్పటి వరకు 21,456 దరఖాస్తులొచ్చాయని వివరించారు.