నవతెలంగాణ బ్యూరో-హైదరాబాద్
రాష్ట్ర ప్రభుత్వం నిర్వహిస్తున్న సాంఘీక,గిరిజన, బలహీన వర్గాల, సాధారణ గురుకులాల్లో 2023-24 విద్యా సంవత్సరానికి ఐదో తరగతి ప్రవేశాలకోసం పరీక్షను(వీటీజీసెట్‌-2023)ను ఆదివారం సంక్షేమ గురుకుల విద్యా సంస్థ నిర్వహించింది. ఈ పరీక్ష విజయవంతంగా జరిగిందని ఆ సంస్థల కార్యదర్శి రొనాల్డ్‌రోస్‌ ఆదివారం ఒక ప్రకటనలో తెలిపారు. రాష్ట్ర వ్యాప్తంగా 638 సంక్షేమ గురుకులాల్లోని 51,524 ఐదో తరగతి ప్రవేశాల కోసం 1,21,826 మంది విద్యార్థులు దరఖాస్తు చేసుకున్నారని తెలిపారు. పరీక్షకు 1,13,211(92.93 శాతం) మంది విద్యార్థులు హాజరైనట్టు పేర్కొన్నారు.
మీ స్నేహితులకు రికమెండ్ చెయ్యండి
