- ఎంపీ లింగయ్య యాదవ్‌
నవతెలంగాణ బ్యూరో - హైదరాబాద్
ఎన్ని రైతు యాత్రలు చేసినా,, పాదయాత్రలు చేసినా కాంగ్రెస్‌, బీజేపీ నాయకులు నమ్మరని బీఆర్‌ఎస్‌ ఎంపీ బడుగుల లింగయ్య యాదవ్‌ తెలిపారు. బుధవారం హైదరాబాద్ బీఆర్‌ఎస్‌ఎల్పీ కార్యాలయంలో నిర్వహించిన మీడియా సమావేశంలో ఆయన మాట్లాడారు. సజావుగా సాగుతున్న బీఆర్‌ఎస్‌ పాలనను అప్రదిష్టపాలు చేసేలా బండి సంజరు కుట్ర చేస్తున్నారని విమర్శించారు. జైలులో చిప్పకూడు తిన్న రేవంత్‌ రెడ్డి కూడా సీఎం కేసీఆర్‌ను విమర్శిస్తున్నారని ఎద్దేవా చేశారు. రాష్ట్రంలో బీజేపీకి ఆదరణ లేదని కొట్టిపారే శారు. ప్రధాని కూర్చి ఖాళీ లేదని అమిత్‌ షా చేసిన వ్యాఖ్యలపై ఆగ్రహం వ్యక్తం చేశారు. అమిత్‌ షా అయ్య కుర్చీ కాదని స్పష్టం చేశారు. నరేంద్ర మోడీ ఒక పిరికి ప్రధాని అనీ, మోడీ, అమిత్‌షాలు అదానీ ఏజెంట్లు అని విమర్శించారు. మునుగోడు ఫలితమే రానున్న సార్వత్రిక ఎన్నికల్లో బీజేపీకి రానుందని జోస్యం చెప్పారు.
