- ద.మ.రైల్వే జీఎమ్‌ అరుణ్‌కుమార్‌ జైన్‌
నవతెలంగాణ-హైదరాబాద్‌బ్యూరో
రైల్వే లైన్ల భద్రతకు అధికారులు, సిబ్బంది తొలి ప్రాధాన్యత ఇవ్వాలనీ, దీనికోసం ఎప్పటికప్పుడు నిరంతర తనిఖీలు చేపట్టాలని దక్షిణమధ్య రైల్వే జనరల్‌ మేనేజర్‌ అరుణ్‌కుమార్‌ జైన్‌ అన్నారు. శుక్రవారంనాడాయన నాందేడ్‌ డివిజన్‌లోని ఆదిలాబాద్‌ - నాందేడ్‌ సెక్షన్‌ను తనిఖీ చేశారు. నాందేడ్‌ డివిజన్‌ డివిజనల్‌ రైల్వే మేనేజర్‌ శ్రీమతి నీతి సర్కార్‌తో పాటు ఇతర సీనియర్‌ అధికారులు కూడా ఈ తనిఖీల్లో పాల్గొన్నారు. తొలుత ఆదిలాబాద్‌ రైల్వే స్టేషన్‌లో తనిఖీలు జరిపారు. అక్కడి స్టేషన్‌ పరిసరాలు, పార్కింగ్‌, రిజర్వేషన్‌, టిక్కెటింగ్‌, వెయిటింగ్‌ హాల్‌, టాయిలెట్లు, ఫుట్‌ ఓవర్‌ బ్రిడ్జ్‌, బేబీ ఫీడింగ్‌ రూమ్‌తో పాటు ఇతర సౌకర్యాలన్నింటినీ పరిశీలించారు.
మీ స్నేహితులకు రికమెండ్ చెయ్యండి
