- సీసీఎల్‌ఏ గోపి, స్పెషల్‌ ఆఫీసర్‌ సంగ్వాన్‌కు ఆహ్వానం
నవతెలంగాణబ్యూరో-హైదరాబాద్
సీసీఎల్‌ఏ కార్యదర్శి హైమావతి, స్పెషల్‌ ఆఫీసర్‌ సత్యశారదలకు ఉద్యోగులు ఆత్మీయ వీడ్కోలు పలికారు. నూతన కార్యదర్శి గోపి, స్పెషల్‌ ఆఫీసర్‌ ఆశిష్‌ సంగ్వాన్‌లకు ట్రెసా తరపున ప్రత్యేక ఆహ్వానం పలికారు. ట్రెసా సీసీఎల్‌ఏ యూనిట్‌ ఆధ్వర్యంలో సోమవారం నిర్వహించిన కార్యక్రమంలో రెవెన్యూశాఖ ముఖ్యకార్యదర్శి నవీన్‌మిట్టల్‌ మాట్లాడుతూ బదిలీపై వెళ్లిన అధికారుల సేవలను కొనియాడారు. నూతనంగా వచ్చిన అధికారులకు శుభాకాంక్షలు తెలిపారు. ఈ కార్యక్రమంలో ట్రెసా అధ్యక్షులు వంగ రవీందర్‌రెడ్డి, ప్రధాన కార్యదర్శి కె.గౌతమ్‌కుమార్‌, సీసీఎల్‌ఏ యూనిట్‌ అధ్యక్షులు ఎల్లారెడ్డి, ట్రెసా అసోసియేట్‌ అధ్యక్షులు మన్నె ప్రభాకర్‌, ఆర్గనైసింగ్‌ సెక్రటరీలు శ్రీకాంత్‌రెడ్డి, నజీమ్‌ఖాన్‌, యూనిట్‌ కార్యదర్శి ముర్తుజా, పలువురు అధికారులు సిబ్బంది పాల్గొన్నారు.
