- ఫీజు గడువు 10 : ఇంటర్‌ బోర్డు
నవతెలంగాణ బ్యూరో - హైదరాబాద్‌
ఇంటర్‌ అడ్వాన్స్‌డ్‌ సప్లిమెంటరీ పరీక్షలు రాసే అభ్యర్థులు (కాలేజీలో చదవని వారు) హాజరు మినహాయింపు ఫీజును ఆన్‌లైన్‌లో దరఖాస్తు చేసుకునేందుకు ఈనెల పదో తేదీ వరకు తుది గడువు ఉందని ఇంటర్‌ బోర్డు ప్రకటించింది. ఈ మేరకు ఇంటర్‌ బోర్డు పరీక్షల నియంత్రణాధికారి జయప్రద బాయి బుధవారం ఒక ప్రకటన విడుదల చేశారు. మే/జూన్‌లో ఇంటర్‌ అడ్వాన్స్‌డ్‌ సప్లిమెంటరీ పరీక్షలను నిర్వహిస్తామని తెలిపారు. ఆర్ట్స్‌, హ్యుమానిటీస్‌ సబ్జెక్టులకు హాజరయ్యే అభ్యర్థులు హాజరు మినహాయింపు ఫీజుల కింద రూ.500 ఆన్‌లైన్‌లో చెల్లించాలని హాజరు కావాలని కోరారు. పూర్తి వివరాలకు tsbie.cgg.gov.inవెబ్‌సైట్‌ను చూడాలని సూచించారు.