నవతెలంగాణ బ్యూరో - హైదరాబాద్
డాక్టర్‌ బిఆర్‌ అంబేద్కర్‌ సార్వత్రిక విశ్వవిద్యాలయం (బీఆర్‌ఏఓయూ) పోస్ట్‌ గ్రాడ్యుయేట్‌ (పీజీ) పరీక్షలు జులై మూడో తేదీ నుంచి ప్రారంభం కానున్నాయి. ఈ మేరకు వర్సిటీ పరీక్షల నియంత్రణ అధికారి పి వెంకటరమణ శుక్రవారం ఒక ప్రకటన విడుదల చేశారు. పీజీ ఎంఏ, ఎంకాం, ఎంఎస్సీ, ఎంబీఏ, ఎంఎల్‌ఐఎస్‌సీ, బీఎల్‌ఐఎస్‌సీ, అన్ని డిప్లొమాలు, సర్టిఫికెట్‌ కోర్సుల పరీక్షలను నిర్వహిస్తామని తెలిపారు. మొదటి సంవత్సరం పరీక్షలు జులై 10 నుంచి ప్రారంభమవుతాయని పేర్కొన్నారు. పరీక్షలకు హాజరయ్యే విద్యార్థులు www.braouonline.in పోర్టల్‌లో నమోదు చేసుకోవాలని కోరారు. పరీక్ష ఫీజును టీఎస్‌/ఏపీ ఆన్‌లైన్‌ కేంద్రాల ద్వారా డెబిట్‌/క్రెడిట్‌ కార్డుతో మాత్రమే చెల్లించాలని సూచించారు. ఆన్‌లైన్‌ రిజిస్ట్రేషన్‌కు చివరి తేది వచ్చేనెల రెండో తేదీ వరకు ఉందని తెలిపారు.
మీ స్నేహితులకు రికమెండ్ చెయ్యండి
