- రైల్వే పట్టాలపై ఢకొీన్న రైలు
నవతెలంగాణ-సనత్‌నగర్‌
ఇన్‌స్టాగ్రామ్‌లో రీల్స్‌ పిచ్చి ఓ విద్యార్థి ప్రాణం తీసింది. రైల్వే ట్రాక్‌పై రీల్స్‌ చేస్తుండగా రైలు ఢకొట్టడంతో మృతిచెందాడు. ఈ విషాద ఘటన హైదరాబాద్ సనత్‌నగర్‌లో శుక్రవారం జరిగింది. పోలీసులు తెలిపిన వివరాల ప్రకారం.. రహ్మత్‌నగర్‌ శ్రీరామ్‌ నగర్‌కు చెందిన మదర్సా విద్యార్థి మహమ్మద్‌ సర్ఫరాజ్‌(16) ఇన్‌స్టాగ్రామ్‌లో పోస్టు చేసేందుకు రీల్స్‌ చేయడానికి ఇద్దరు స్నేహితులతో కలిసి సనత్‌నగర్‌ రైల్వే ట్రాక్‌ వద్దకు వెళ్లారు. అక్కడ వారు రీల్స్‌ చేస్తుండగా వేగంగా వచ్చిన రైలు సర్ఫరాజ్‌ను వెనుక నుంచి ఢకొీట్టింది. దాంతో అతను అక్కడికక్కడే ప్రాణం కోల్పోయాడు. రైలును గమనించి మిగతా ఇద్దరు పక్కకు తప్పుకున్నారు. రైల్వే పోలీసులు ఘటనా స్థలానికి చేరుకుని మృతదేహాన్ని ఆస్పత్రికి తరలించారు. ఘటనా స్థలం వద్ద దొరికిన ఫోన్‌ను స్వాధీనం చేసుకున్నారు.
