- 11న ఫిజికల్‌ డైరెక్టర్‌ ఎగ్జామ్‌ :టీఎస్‌పీఎస్సీ వెల్లడి
నవతెలంగాణ బ్యూరో - హైదరాబాద్
రాష్ట్రంలోని సాంకేతిక విద్యాశాఖ పరిధిలోని ప్రభుత్వ పాలిటెక్నిక్‌ కాలేజీల్లో లెక్చరర్‌ పోస్టుల భర్తీకి సెప్టెంబర్‌ నాలుగో తేదీ నుంచి రాతపరీక్షలు ప్రారంభం కానున్నాయి. ఈ మేరకు తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్‌పీఎస్సీ) కార్యదర్శి అనితా రామచంద్రన్‌ శుక్రవారం ఒక ప్రకటన విడుదల చేశారు. పాలిటెక్నిక్‌ కాలేజీల్లో 247 లెక్చరర్‌ పోస్టుల భర్తీకి గతేడాది డిసెంబర్‌ ఏడో తేదీన టీఎస్‌పీఎస్సీ నోటిఫికేషన్‌ను జారీ చేసిన విషయం తెలిసిందే. కంప్యూటర్‌ ఆధారిత రాతపరీక్ష (సీబీఆర్టీ) విధానంలో ఈనెల 13న ఈ పరీక్షను నిర్వహించాలని టీఎస్‌పీఎస్సీ తొలుత నిర్ణయించింది. ఆ పరీక్షను సెప్టెంబర్‌ 4,5,6,8 తేదీల్లో నిర్వహించనున్నట్టు పేర్కొన్నారు. సాంకేతిక విద్యాశాఖ, ఇంటర్ విద్యాశాఖలో ఫిజికల్‌ డైరెక్టర్‌ పోస్టుల భర్తీకి ఈనెల 17న నిర్వహించాల్సిన రాతపరీక్షను సెప్టెంబర్‌ 11న జరుపుతామని తెలిపారు. ఇతర వివరాలకు www.tspsc.gov.in వెబ్‌సైట్‌ను సంప్రదించాలని సూచించారు.
