నవతెలంగాణ బ్యూరో - హైదరాబాద్‌
పదో తరగతి పూర్తి చేసుకున్న విద్యార్థులు మొదటి ప్రయత్నంలోనే ఐఐటీ-నీట్‌ సాధించడమెలా అనే అంశంపై మే 14 నుంచి 18 వరకు ఐదు రోజుల పాటు ఉచిత అవగాహనా తరగతులు నిర్వహిస్తున్నట్టు హైదరాబాద్‌ దోమలగూడలోని మెటామైండ్‌ అకాడమీ డైరెక్టర్‌ మనోజ్‌ కుమార్‌ తెలిపారు. ఈ మేరకు శనివారం ఉచిత అవగాహనా తరగతుల పోస్టర్‌ను టీఎస్‌ఆర్టీసీ చైర్మెన్‌ బాజిరెడ్డి గోవర్థన్‌ ఆవిష్కరించారు. ఈ సందర్భంగా మనోజ్‌ కుమార్‌ మాట్లాడుతూ అవగాహనా తరగతుల్లో సిలబస్‌, పరీక్షా విధానం, మెంటర్షిప్‌, టెస్ట్‌ సిరీస్‌, ఒత్తిడిని జయించడం ఎలా? అనే అంశాలతో పాటు రైటింగ్‌ స్కిల్స్‌, టైం మేనేజ్‌మెంట్‌ తదితర అంశాలుంటాయని తెలిపారు. ఉచిత రిజిస్ట్రేషన్‌, హాస్టల్‌ వసతి తదితర వివరాలకు 85229 58575, 70322 64910 నెంబర్లలో సంప్రదించాలని సూచించారు.