నవతెలంగాణ బ్యూరో - హైదరాబాద్
విదేశాల్లో ఉద్యోగాల కోసం ఆసక్తి, అర్హత కలిగిన వారు తమ పేర్లను టామ్‌కామ్‌ వెబ్‌సైట్‌ లేదా యాప్‌లో నమోదు చేసుకోవాలని తెలంగాణ ఓవర్సీస్‌ మ్యాన్‌ పవర్‌ కంపెనీ లిమిటెడ్‌ (టామ్‌కామ్‌) ఏజెన్సీ కోరింది. ఈ మేరకు సోమవారం ఒక ప్రకటన విడుదల చేసింది. జర్మనీలో సాఫ్ట్‌వేర్‌ డెవలపర్‌, సాఫ్ట్‌వేర్‌ ఇంజనీర్‌, సిస్టమ్‌ అడ్మినిస్ట్రేటర్లు, నెట్‌వర్క్‌ అడ్మినిస్ట్రే టర్లు, ప్రాజెక్టు మేనేజర్‌, కన్సల్టెంట్స్‌, ఈఆర్పీ, ఐటీ-సపోర్ట్‌ జాబ్‌ రోల్స్‌ కోసం నియామక ప్రక్రియను సులభ తరం చేసినట్టు వెల్లడించింది. అభ్యర్థి గ్రాడ్యు యేట్‌ పూర్తి చేసి సంబంధిత రంగంలో మూడేండ్ల నుంచి ఐదేండ్ల అనుభవం తో పాటు జర్మన్‌ భాషలో బీ1 లేదా బీ2 స్థాయి ప్రావీణ్యం కలిగి ఉండాలని సూచించింది. మరిన్ని వివరాలకు 98496 39539లో సంప్రదించొచ్చు.
మీ స్నేహితులకు రికమెండ్ చెయ్యండి
