నవతెలంగాణ - వెల్డండ
వెల్డండ మండల పరిధిలోని కొట్ర గ్రామానికి చెందిన వార్డు సభ్యుడు పోనుగోటి విష్ణువర్ధన్‌ రావు ఇటీవల మృతిచెందారు. కాగా, ఆయన కుటుంబ సభ్యులను నాగర్‌ కర్నూల్‌ జిల్లా పరిషత్‌ వైస్‌ చైర్మెన్‌ బాలాజీ సింగ్‌ పరామర్శించారు. కుటుంబసభ్యులను ఓదార్చారు. అన్నివిధాలా అండగా ఉంటామని ఈ సందర్భంగా కుటుంబసభ్యులకు ఆయన హామీ ఇచ్చారు. ఈ కార్యక్రమంలో గ్రామ టీఆర్‌ఎస్‌ నాయకులు పోనుగోటి రవీందర్‌ రావు, జంగయ్య, పురుషోత్తం, మల్లయ్య, రాజు, నిరంజన్‌ తదితరులు పాల్గొన్నారు.
విష్ణువర్థన్‌రావుకు కొవ్వొత్తులతో నివాళి...
విష్ణువర్ధన్‌ రావు మృతికి నివాళిగా గ్రామస్తుల ఆధ్వర్యంలో గ్రామ కూడలిలో ఆయన చిత్రం ఏర్పాటుచేసి కొవ్వొత్తులతో నివాళులర్పించారు. ఈ కార్యక్రమంలో గ్రామస్తులు పెద్దసంఖ్యలో పాల్గొన్నారు.