నవతెలంగాణ బ్యూరో - హైదరాబాద్‌
పదో తరగతి వార్షిక పరీక్షల ఫలితాలను బుధవారం మధ్యాహ్నం 12 గంటలకు హైదరాబాద్‌లోని ఎస్‌సీఈఆర్టీ ప్రాంగణంలోని గోదావరి హాల్‌లో విద్యాశాఖ మంత్రి పి సబితా ఇంద్రారెడ్డి విడుదల చేయనున్నారు. పదో తరగతి పరీక్షలు గతనెల మూడు నుంచి 13వ తేదీ వరకు నిర్వహించారు. రాష్ట్రవ్యాప్తంగా 18 మూల్యాంకన కేంద్రాల్లో పదో తరగతి విద్యార్థుల జవాబు పత్రాలను మూల్యాంకనం చేపట్టారు. రాష్ట్రవ్యాప్తంగా 4,94,620 మంది విద్యార్థులు పరీక్షలకు హాజరయ్యారు. ఇందులో 4,85,826 మంది రెగ్యులర్‌ విద్యార్థులున్నారు. పదో తరగతి ఫలితాల కోసం విద్యార్థులు, వారి తల్లిదండ్రులు http://results.bse.telangana. gov.in, http:// results. bsetelangana.org వెబ్‌సైట్లను సంప్రదించాల్సి ఉంటుంది.