నవతెలంగాణ బ్యూరో - హైదరాబాద్
పదో తరగతి అడ్వాన్స్డ్ సప్లిమెంటరీ పరీక్షలు వచ్చేనెల 14 నుంచి 22వ తేదీ వరకు జరగనున్నాయి. ఈ మేరకు ప్రభుత్వ పరీక్షల విభాగం సంచాలకులు ఎ కృష్ణారావు బుధవారం షెడ్యూల్‌ను విడుదల చేశారు. ఈ పరీక్షలు ఉదయం 9.30 నుంచి మధ్యాహ్నం 12.30 గంటల వరకు నిర్వహిస్తామని తెలిపారు. జూన్‌ 14న ఫస్ట్‌ లాంగ్వేజ్‌ (గ్రూప్‌-ఏ), ఫస్ట్‌ లాంగ్వేజ్‌ పార్ట్‌-1 (కాంపొజిట్‌ కోర్సు), ఫస్ట్‌ లాంగ్వేజ్‌ పార్ట్‌-2 (కాంపొజిట్‌ కోర్సు), 15న సెకండ్‌ లాంగ్వేజ్‌, 16న థర్డ్‌ లాంగ్వేజ్‌ (ఇంగ్లీష్‌), 17న మ్యాథమెటిక్స్‌, 19న సైన్స్‌ (పార్ట్‌-1 ఫిజికల్‌ సైన్స్‌, పార్ట్‌-2 బయలాజికల్‌ సైన్స్‌ ఉదయం 9.30 నుంచి మధ్యాహ్నం 12.50 గంటల వరకు), 20న సోషల్‌ స్టడీస్‌, 21న ఓఎస్‌ఎస్‌సీ మెయిన్‌ లాంగ్వేజ్‌ పేపర్-1 (సంస్కృతం, అరబిక్‌), 22న ఓఎస్‌ఎస్‌సీ మెయిన్‌ లాంగ్వేజ్‌ పేపర్-2 (సంస్కృతం, అరబిక్‌) పరీక్షలుంటాయని వివరించారు.
