నవతెలంగాణ-హైదరాబాద్‌: గ్రూప్-4 దరఖాస్తుల్లో తప్పులు సవరించుకునేందుకు తెలంగాణ పబ్లిక్‌ సర్వీస్‌ కమిషన్‌ అవకాశం కల్పించింది. అభ్యర్థులు ఈనెల 9 నుంచి 15 వరకు ఎడిట్ ఆప్షన్ ఉపయోగించుకోవచ్చని వెల్లడించింది. దరఖాస్తుల్లో తప్పులను సవరించుకునేందుకు మరోసారి అవకాశం ఉండదని టీఎస్‌పీఎస్సీ స్పష్టం చేసింది. మొత్తం 8,180 గ్రూప్‌-4 ఉద్యోగాలకు రాష్ట్ర వ్యాప్తంగా 9,51,321 మంది అభ్యర్థులు దరఖాస్తు చేసుకున్నారు. తీవ్రమైన పోటీ ఉన్న ఈ పరీక్ష జులై 1న జరగనుండగా.. అభ్యర్థులు అందుకనుగుణంగా ఇప్పటికే ప్రిపరేషన్‌ కొనసాగిస్తున్నారు.
పీఈసెట్‌ దరఖాస్తుల గడువు పొడిగింపు..
వ్యాయామ విద్య ప్రవేశ పరీక్ష (పీఈసెట్) దరఖాస్తుల గడువు పొడిగించింది. ఆలస్య రుసుము లేకుండా ఈనెల 16 వరకు దరఖాస్తు చేసుకునే అవకాశం ఇచ్చింది.