నవతెలంగాణ - చిత్తూరు : పూతలపట్టు మండలం పాలకూర సమీపాన జాతీయ రహదారిపై లారీని కారు ఢీకొట్టింది. ఈ ఘటనలో ఒకరు మృతి చెందారు. ముగ్గురికి తీవ్ర గాయాలయ్యాయి. బెంగళూరు చెందిన వ్యక్తులు తిరుమల దర్శనానంతరం స్వస్థతలానికి తిరిగి వెళుతుండగా చిత్తూరు జిల్లా పాలకూర సమీపానికి రాగానే కారు.. లారీని వెనుక నుంచి ఢీకొట్టింది. విషయం తెలియని లారీ డ్రైవర్ కారును అలాగే 200 మీటర్ల వరకూ లాక్కెళ్లాడు. ఆపై ఏదో ప్రమాదం జరిగిందని గుర్తించి ఆపేశాడు. కారులో ఒకరు అక్కడికక్కడే మృతి చెందగా.. ముగ్గురికి తీవ్ర గాయాలయ్యాయి. పోలీసులు ఘటనా స్థలానికి చేరుకుని 108 వాహనం ద్వారా గాయపడిన వారిని చిత్తూరు ప్రభుత్వ ఆసుపత్రికి తరలించారు.