నవతెలంగాణ - మెదక్: మెదక్ జిల్లాలోని నర్సాపూర్‌ సమీపంలో ఘోర రోడ్డుప్రమాదం జరిగింది. మండలంలోని రెడ్డిపల్లి వద్ద జాతీయ రహదారిపై వేగంగా దూసుకొచ్చిన డీసీఎం అదుపుతప్పి బైకును ఢీకొట్టింది. దీంతో మోటారు సైకిల్‌పై వెళ్తున్న దంపతులు అక్కడికక్కడే మరణించారు. సమాచారం అందుకున్న పోలీసులు ఘటనా స్థలానికి చేరుకున్నారు. మృతదేహాలను స్వాధీనం చేసుకుని పోస్టుమార్టం నిమిత్తం జిల్లా దవాఖానకు తరలించారు. మృతులను చిలిపిచేడ్‌ మండలం రహీంగూడకు చెందిన నునావత్‌ రవీందర్‌, నీలగా గుర్తించారు.
మీ స్నేహితులకు రికమెండ్ చెయ్యండి
