- 12 మంది మృతి
బీజింగ్‌ : సెంట్రల్‌ చైనాలోని హెనాన్‌ ప్రావిన్స్‌లో కురుస్తున్న భారీ వర్షాలకు 12 మంది మరణించారు. సుమారు రెండు లక్షల మందిని సురక్షిత ప్రాంతాలకు తరలించారు. ఈ ప్రాంతంలో 60 ఏండ్లలో ఇదే అత్యధిక వర్షపాతమని అధికారులు తెలిపారు. రాష్ట్ర వరద నియంత్రణ, నిర్వహణ బ్యూరోకి చెందిన బృందం లెవల్‌ 3 హెనాన్‌లో సహాయక చర్య లను ప్రారంభించింది. సుమారు 849 మందిని రక్షించామనీ, 1500 మందిని సురక్షిత ప్రాంతాలకు తరలించినట్టు వెల్లడించింది. హెనాన్‌ ప్రావిన్స్‌లోని జెంగ్‌హౌ నగరంలో 1975లో 198.5 మిల్లీ మీటర్ల వర్షపాతం నమోదైందనీ, మంగళవారం గరిష్టంగా 201.9 మిల్లీమీటర్ల వర్షపాతం నమోదైందని జాతీయ వాతావరణ అబ్జర్వేటరీ తెలిపింది.