- 14 మంది మృతి
పెషావర్‌ : రుతుపవనాల ప్రభావంతో పాకిస్తాన్‌లో భారీ వర్షాలు కురుస్తున్నాయి. భారీ వర్షాలతో ఖైబెర్‌ పఖ్తుంఖ్వా ప్రావిన్స్‌లో గత 24 గంటల్లో 14 మంది మరణించగా, 26 మంది తీవ్రంగా గాయపడ్డారు. ఈ వివరాలను గురువారం అధికారులు వెల్లడించారు. నిరంతరం కురుస్తున్న వర్షాలతో ప్రావిన్స్‌లోని డెరా ఇస్మాయిల్‌ ఖాన్‌, హజరా, మలకంద్‌ డివిజన్లు ముంపునకు గురయ్యాయని, దీంతో నాలుగు ఇళ్లు పూర్తిగా ధ్వంసం కాగా, 21 ఇళ్లు పాక్షికంగా ధ్వంసమైనట్లు వెల్లడించారు. బుధవారం ఒక్క రోజే 14 మంది మరణించగా, 26 మంది గాయపడినట్లు చెప్పారు. రాష్ట్రంలో సంబంధిత జిల్లా అధికారులు సహాయ, పునరావస కార్యక్రమాలు నిర్వహిస్తున్నారు. అత్యంవసరమైతే తప్ప బయటకు రావద్దని ప్రజల్ని అధికారులు హెచ్చరించారు.