లిమా : పెరూ నూతన పార్లమెంట్‌ సభ్యుల ప్రమాణ స్వీకారాన్ని శుక్రవారం నిర్వహించారు. కోవిడ్‌ నిబంధనలను పాటిస్తూ జరిగిన ప్రారంభ సమావేశంలో పది పార్టీలకు చెందిన 130మంది కాంగ్రెస్‌ సభ్యులు శుక్రవారం ప్రమాణ స్వీకారం చేశారు. తొలుత మూడు బ్లాకులుగా విభజించి ఆ వరుసలో సభ్యుల ప్రమాణ కార్యక్రమం కొనసాగింది. అనంతరం 2021-22 సంవత్సరానికి ఎగ్జిక్యూటివ్‌ బోర్డుకు అభ్యర్థుల జాబితాను రూపొందించేందుకు ఈ మూడు బ్లాకులు చర్చలు కొనసాగించాయి. సోమవారం ఎగ్జిక్యూటివ్‌ బోర్డు అభ్యర్థుల ఓటింగ్‌ జరుగుతుంది. 2021-2026 పదవీకాలానికి గానూ ఎన్నికైన ఈ కాంగ్రెస్‌ సభ్యులను బయో సెక్యూరిటీ చర్యలకు అనుగుణంగా మూడు గ్రూపులుగా విభజించారు. వచ్చే బుధవారం అధ్యక్షుడుగా ఎన్నికైన పెడ్రో ప్రమాణం చేస్తారు.