ఒట్టావా : కెనడా ప్రధానిగా జస్టిన్‌ ట్రూడో మూడోసారి పదవిని చేపట్టే అవకాశాలు కనిపిస్తున్నాయి.గత నెలలో జరిగిన ఎలక్షన్స్‌లో కన్సర్వేటివ్‌ నాయకుడైన రూకీపై ట్రూడో విజయం సాధించబోతున్నారని ఇప్పుడిప్పుడే వెలువడుతున్న ఫలితాలు తెలియజేస్తున్నాయి. అయితే ఆయన పార్టీ లిబరల్స్‌ పార్లమెంట్‌లో పూర్తి మెజార్టీ వచ్చే సూచనలు కనిపించడం లేదు.ఎన్నికల సందర్భంగా ట్రూడో ప్రపంచం లోనే అత్యుత్తమంగా కోవిడ్‌ వ్యాక్సిన్‌ అందించనున్నట్లు హామీనిచ్చారు. ఈ హామీతో గెలుపు బాటలో ఉన్న ట్రూడో ట్విటర్‌ ద్వారా ప్రజలందరికీ కృతజ్ఞతలు తెలిపారు.అలాగే ఓటు వేసి గెలిపించిన ప్రజల ప్రజల మెరుగైన భవిష్యత్తు కోసం తన ప్రభుత్వం నిరంతరం కృషి చేస్తుందని ఆయన అన్నారు. తన ప్రభుత్వం కోవిడ్‌కి వ్యతిరేకంగా పని చేస్తోందని.. అన్నివిధాలుగా కెనడాను ముందంజలో ఉంచేలా ప్రయత్నిస్తుందని ఆయన తన ట్వీట్‌లో పేర్కొన్నారు.
