- అమెరికా సీఈఓలతో భేటీ
వాషింగ్టన్‌ : అధికార పర్యటన నిమిత్తం ప్రధాని నరేంద్ర మోడీ వాషింగ్టన్‌ చేరుకున్నారు. ఈ పర్యటనా కాలంలో అమెరికా అధ్యక్షుడు జో బైడెన్‌, ఉపాధ్యక్షురాలు కమలా హారిస్‌లతో మోడీ భేటీ కానున్నారు. క్వాడ్‌ సదస్సుకు హాజరవుతారు. న్యూయార్క్‌లో ఐక్యరాజ్య సమితి జనరల్‌ అసెంబ్లీ 76వ సమావేశాల్లో ప్రసంగించనున్నారు. 2014లో అధికారంలోకి వచ్చిన తర్వాత అమెరికాలో మోడీ పర్యటించడం ఇది ఏడవసారి. భారత్‌-అమెరికా సమగ్ర అంతర్జాతీయ వ్యూహాత్మక భాగస్వామ్యాన్ని బలోపేతం చేసేందుకు, జపాన్‌, ఆస్ట్రేలియాలతో సంబంధాలను పరిపుష్టం చేసేందుకు ఈ పర్యటన ఉద్దశించబడిందని మోడీ చెప్పారు.భారత్‌లో ఆర్థికావకాశాలను పెంపొందిం చేందుకు అమెరికా సీఈఓలతో సమావేశం కానున్నట్టు మోడీ ట్వీట్‌ చేశారు. కాగా, ఆస్ట్రేలియా, బ్రిటన్‌లతో కుదుర్చుకున్న భద్రతా కూటమిలో భారత్‌ను లేదా జపాన్‌ను చేర్చుకునే అవకాశం లేదని అమెరికా తోసిపుచ్చింది.
