- 16 మంది మృతి
మాస్కో : రష్యాలో స్కైడ్రైవర్లతో ప్రయాణిస్తున్న ఒక విమానం ఆదివారం కూలిపోవడంతో 16 మంది మరణించారు. ఎల్‌-410 విమానం ఉదయం 9:23 గంటలకు రిపబ్లిక్‌ ఆఫ్‌ తతర్‌స్తాన్‌పై ప్రయాణిస్తున్న సమయంలో కూలిపోయినట్టు రష్యా ప్రభుత్వం ప్రకటించింది. ఈ ప్రమాదంలో 16 మంది మరణించగా, ఆరుగురిని రక్షించినట్టు తెలిపింది. ప్రమాద సమయంలో విమానంలో 22 మంది ఉన్నారు. విమానం రష్యా ఆర్మీకి చెందిన వాలంటరీ సొసైటీ ఫర్‌ అస్సిస్టెన్స్‌ సంస్థది. ఒక పారాచూటింగ్‌ క్లబ్‌ ఈ విమానాన్ని నిర్వహిస్తుందని ఈ సంస్థ తెలిపింది. కాగా, రష్యాలో ఈ ఏడాది ప్రారంభంలో కూడా రెండు ఎల్‌-410 విమానాలు ప్రమాదానికి గురయ్యాయి. మొత్తంగా ఎనిమిది మంది మరణించారు.