వాషింగ్టన్‌ : మైక్రోసాఫ్ట్‌ సిఇఒ, భారత సంతతికి చెందిన సత్య నాదెళ్లకు గ్లోబల్‌ బిజినెస్‌ సస్టెయినబిలిటీ లీడర్‌షిప్‌ విభాగంలో ప్రఖ్యాత సికె ప్రహ్లాద్‌ అవార్డు దక్కింది. భారతీయ అమెరికన్‌ అయిన ప్రహ్లాద్‌ గౌరవార్థం 2010లో కార్పొరేట్‌ ఈకో ఫోరమ్‌ (సిఇఎఫ్‌) ఈ అవార్డును ఏర్పాటు చేసింది. అంతర్జాతీయ ప్రైవేటు రంగంలో పర్యావరణహిత కార్యక్రమాలను అసాధారణ రీతిలో, వినూత్నతతో నిర్వహిస్తూ, దీర్ఘకాల వ్యాపార విజయాలను కలిగి ఉన్న వారికి ఇస్తుంటారు. 2030 కల్లా కర్బన రహిత సంస్థగా మైక్రోసాఫ్ట్‌ను మార్చడం, 2050 కల్లా చరిత్రాత్మక ఉద్గారాలన్నిటినీ తొలగించాలన్న లక్ష్యంతో కలిసికట్టుగా పనిచేస్తున్నందుకు ఈ ప్రఖ్యాత అవార్డు దక్కింది.