కాబూల్‌ : ఆఫ్ఘనిస్తాన్‌లో తాలిబన్లు అధికారం చేజిక్కించుకున్న తర్వాత తాలిబన్‌ సుప్రీం నేత ముల్లా హైబతుల్లా అఖుంద్‌జాదా తొలిసారిగా బహిరంగంగా ప్రజలకు కనిపించారు. ఈ విషయాన్ని తాలిబన్‌ వర్గాలు ఆదివారం అధికారికంగా ధ్రువీకరించాయి. ఇప్పటి వరకు అఖుంద్‌జాదా చనిపోయారనే పుకార్లు షికారు చేశాయి. ఈ ఏడాది అగస్టులో తాలిబన్లు ఆఫ్ఘనిస్తాన్‌ను తమ ఆధీనంలోకి తీసుకున్న తరువాత కూడా అఖుంద్‌జాదా బయటకు రాకపోవడంతో పుకార్లు మరింత పెరిగాయి. హైబతుల్లా అఖుంద్‌జాదా శనివారం నాడు కాందహార్‌ నగరంలోని జిమియా దారుల్‌ అలూమ్‌ హకిమియా పాఠశాలను సందర్శించారని ఆయనతో పాటు పర్యటనలో పాల్గొన్న తాలిబన్‌ సీనియర్‌ నేత ఒకరు రాయిటర్స్‌కు తెలిపారు.
మీ స్నేహితులకు రికమెండ్ చెయ్యండి
