- ప్రపంచవ్యాప్తంగా 50 శాతానికి పైగా కేసులు
- పది వారాల్లో తొమ్మిది కోట్ల మందికి సోకిన ఒమిక్రాన్‌
జెనీవా: ప్రపంచ ఆరోగ్య సంస్థ (డబ్ల్యూహెచ్‌ఓ )లో జరిగిన వారాంతపు సమావేశంలో.. ఒమిక్రాన్‌ యొక్క సబ్‌-వేరియంట్‌ బీఏ...2 గురించి ముఖ్యమైన సమాచారాన్ని అందించింది. డబ్ల్యూహెచ్‌ఓ ప్రకారం, బీఏ.2 ఇప్పటివరకు 57 దేశాలకు విస్తరించింది. ఒమిక్రాన్‌ యొక్క ఇతర ఉప-వేరియంట్‌ల కంటే దీని ఇన్‌ఫెక్షన్‌ రేటు చాలా ఎక్కువ. గత నెలలో ఈ దేశాల్లో కోవిడ్‌ పాజిటివ్‌ శాంపిల్స్‌ జీనోమ్‌ సీక్వెన్సింగ్‌ను తీసుకున్న తర్వాత, 93 శాతం కంటే ఎక్కువ శాంపిల్స్‌లో ఒమిక్రాన్‌ ఉన్నట్టు నిర్ధారించబడింది. అన్ని ఒమిక్రాన్‌ నమూనాలలో బీఏ.1 ,బీఏ 1.1 వేరియంట్‌ల ఉనికి 96 శాతం ఉన్నది. వీటిలో ఉప-వేరియంట్‌లు బీఏ.1, బీఏ 1.1, బీఏ.2 , బీఏ.3 కూడా ఉన్నాయి. అయితే బీఏ.2కి సంబంధించిన కేసులు మాత్రం పెరిగాయి. అనేక దేశాలలో, 50 శాతం కంటే ఎక్కువ మంది ప్రజలు ఈ వేరియంట్‌ బారిన పడుతున్నారు.
పది వారాల్లోనే..
ఒమిక్రాన్‌ను తేలికగా తీసుకోకూడదని డబ్ల్యూహెచ్‌ఓ చీఫ్‌ చీఫ్‌ టెడ్రోస్‌ అన్నారు. సబ్‌ వేరియంట్‌ కారణంగా 10 వారాల్లో 9 కోట్ల మందికి పైగా ప్రజలు వ్యాధి బారిన పడ్డారని డబ్ల్యూహెచ్‌ఓ పేర్కొంది. ప్రపంచవ్యాప్తంగా 2020లో సోకిన మొత్తం కేసుల కంటే ఎక్కువ అని తెలిపింది. చాలా దేశాలు పౌరుల ఒత్తిడితో కోవిడ్‌ నిబంధనలను సడలిస్తున్నాయి. అయితే ఒమిక్రాన్‌ను లైట్‌గా తేలికగా తీసుకోవద్దు. కొత్త వేరియంట్‌ కారణంగా.. అనేక దేశాలలో మరణాల సంఖ్య పెరిగిందని డబ్ల్యూహెచ్‌ఓ గమనించింది. బ్రిటన్‌, ఫ్రాన్స్‌, ఐర్లాండ్‌ , నెదర్లాండ్స్‌తో సహా అనేక యూరోపియన్‌ దేశాలు లాక్‌డౌన్‌లను సడలించడం ప్రారంభించాయి. ఫిన్లాండ్‌ కూడా కరోనా ఆంక్షలను ఎత్తివేయటానికి సన్నద్ధమైంది. ఈ పరిస్థితుల్లో డబ్ల్యూహెచ్‌ఓ చేసిన హెచ్చరికలపై ఆయా దేశాలు ఏవిధంగా స్పందిస్తాయో..వేచి చూడాల్సిందే.