- ఆరుగురి మృతి
- 10 మందికి గాయాలు
శాక్రమెంటో : అమెరికాలో మరోసారి తుపాకీ సంస్కృతి విజృంభించింది. కాలిఫోర్నియా రాజధాని శాక్రమెంటోలో ఆదివారం తెల్లవారుజామున జరిగిన కాల్పుల్లో ఆరుగురు మృతి చెందగా, 10 మంది గాయపడ్డారు. పట్టణంలో రద్దీ ప్రాంతంలో అమెరికా కాలమానం ప్రకారం తెల్లవారు జామన 2 గంటల సమయంలో ఈ కాల్పులు ఘటన చోటు చేసుకుంది. సమాచారం అందుకున్న పోలీసులు వెంటనే వచ్చి క్షతగాత్రులను ఆస్పత్రులకు తరలించారు. ఈ ఘటనలో ఇప్పటి వరకూ ఎవ్వరీని అరెస్టు చేయలేదు. కాల్పుల ఘటనకు బాధ్యులైన వారిని కూడా గుర్తించలేదు. అమెరికాలో తుపాకీ సంస్కృతి విచ్చలవిడిగా పెరుగుతోంది. దేశంలో ప్రతీ ఏటా సుమారు 2 కోట్ల తుపాకీలు అమ్ముడవుతూ ఉంటాయి. ప్రజల్లో 30 శాతం మంది తుపాకీలను కలిగి ఉంటారు.