బుడాపెస్ట్‌: హంగరీ పార్లమెంటు ఎన్నికల్లో ప్రధాని విక్టర్‌ ఓర్బాన్‌ నేతృత్వంలోని ఫిడెజ్‌-కెడిఎన్‌పి కూటమి ఘన విజయం సాధించింది. మొత్తం 199 స్థానాలున్న హంగరీ పార్లమెంటులో 135 స్థానాలనను పాలక సంకీర్ణ కూటమి చేజిక్కించుకున్నట్లు ఎన్నికల సంఘం శనివారం అధికారికంగా వెల్లడించింది. ఎన్నికలు ఈ నెల 3న జరిగాయి. డెమొక్రటిక్‌ అలయెన్స్‌ పేరుతో ఏర్పడిన ప్రతిపక్ష పార్టీల కూటమికి కేవలం 57 సీట్లు మాత్రమే లభించాయి. ఈ కూటమిలో జాబిక్‌, ఎల్‌ఎంపి, మొమొంటమ్‌ మూవ్‌మెంట్‌, హంగేరియన్‌ సోషలిస్టు పార్టీ, డైలాగ్‌ ఫర్‌ హంగరీ ఉన్నాయి. మి హజాంక్‌ మోజ్‌గాలోమ్‌ నేతృత్వంలోని పచ్చి మితవాద పార్టీకి ఆరు సీట్లు వచ్చాయి.
మీ స్నేహితులకు రికమెండ్ చెయ్యండి
