- 25 మంది గల్లంతు
మకస్సార్‌ (ఇండోనేషియా) : ఒక కార్గో పడవ మునిగిపోవడంతో 25 మంది గల్లంతైన ఘటన ఇండోనేషియాలోని దక్షిణ సులవేసి రాష్ట్రంలో మకస్సార్‌ జలసంధిలో శనివారం చోటు చేసుకుంది. మకస్సార్‌ నౌకాశ్రాయం నుంచి కల్మాస్‌ ద్వీపానికి ప్రయాణం చేస్తున్న ఈ పడవలో 42 మంది ఉన్నారు. 17 మందిని సహాయక సిబ్బంది రక్షించారు. గల్లంతైవారి కోసం గాలింపు చర్యలు కొనసాగుతున్నాయి. ఈ పడవను మొదటగా ప్రయాణీకుల పడవగా భావించినా, తరువాత దీనిని నిర్మాణ సామాగ్రిని తీసుకునివెళుతున్న కార్గో పడవగా అధికారులు గుర్తించారు. పడవలో ఉన్న 42 మందిలో ఆరుగురు సిబ్బంది కాగా, మిగిలిన 36 మంది విహారం కోసం పడవ ఎక్కినవారు. 17 వేల కంటే ఎక్కువ ద్వీపాలు ఉన్న ఇండోనేషియాలో పడవ ప్రమాదాలు సాధారణంగా మారాయి. మనుషుల, సరుకుల రవాణాకు పడవలను ఎక్కువగా వినియోగస్తుంటారు.