- ఎనిమిది మందికి గాయాలు.
జెరూసలేం : ఇజ్రాయెల్‌లోని జెరూసలెంలోని పాత నగరానికి సమీపంలోని బస్సుపై ఆదివారం ఉదయం సాయుధులు కాల్పులకు తెగబడ్డారు. గాజాలో ఇజ్రాయెల్‌, మిలిటెంట్ల మధ్య హింస చెలరేగిన తర్వాత ఈ ఘటన జరిగింది. సుమారు ఎనిమిది మంది గాయపడ్డారు. పాలస్తీనియులు ఈ దాడికి పాల్పడి ఉంటారని పోలీసులు అనుమానిస్తున్నారు. యూదులు పవిత్రమైన ప్రార్థనా స్థలంగా భావించే వెస్టర్న్‌ వాల్‌ సమీపంలో నిలిపి ఉంచిన కారు నుంచి ఓ బస్సును లక్ష్యంగా చేసుకొని ఈ కాల్పులు జరిపినట్లు తెలుస్తోంది. కాల్పుల అనంతరం ముష్కరుల పరారయ్యారని తెలుస్తుంది. ఈ ఘటనలో గర్భిణీతో పాటు ఓ వ్యక్తి తీవ్రంగా గాయపడ్డారు. ముష్కరుల కోసం ఇజ్రాయేలు పోలీసులు గాలింపు చర్యలు చేపడుతున్నారు. ఇజ్రాయెల్‌, పాలస్తీనా మధ్య గాజా,వెస్‌ బ్యాంక్‌లో వారం పాటు ఉద్రిక్తతలు నెలకొన్న తర్వాత ఈదాడి జరిగింది.