- 19 మంది విద్యార్థులు సహా 21 మంది దుర్మరణం
జోహాన్నెస్‌బర్గ్‌ : దక్షిణాఫ్రికాలోని ఉత్తర క్వాజులు-నాటల్‌ ప్రావిన్స్‌ ప్రాంతంలో జరిగిన ప్రమాదంలో 21 మంది మరణించారు. వీరిలో 19 మంది స్కూలు విద్యార్థులేనని అత్యవసర మెడికల్‌ సర్వీసెస్‌ విభాగం శనివారం తెలిపింది. శుక్రవారం మధ్యాహ్నం ఒక ట్రక్కు, మరో ట్రక్కును ఓవర్‌టేక్‌ చేయడానికి ప్రయత్నించిన క్రమంలో స్కూలు పిల్లలను తీసుకువస్తున్న వ్యాన్‌ను ఢ కొనడంతో ఘోరమైన ఈ ప్రమాదం సంభవించింది. ఈ ఘటనలో మృతి చెందిన చిన్నారులందరూ 12 ఏళ్ళ లోపు వారే, స్కూలు ముగిసిన తర్వాత ఇంటికి వెళుతుండగా ఈ ప్రమాదం చోటు చేసుకుంది.
మీ స్నేహితులకు రికమెండ్ చెయ్యండి
