- ఏడుగురు విద్యార్థులుసహా 13మంది మృతి, పలువురికి గాయాలు
మాస్కో : రష్యాలోని ఉరల్స్‌ పర్వతాలకు సమీపంలో గల ఉద్‌మూర్తియా రిపబ్లిక్‌ రాజధాని ఇజ్వెస్క్‌ నగరంలో ఒక స్కూల్లో సోమవారం ఒక సాయుధుడు విచక్షణారహితంగా జరిపిన కాల్పుల్లో 13మంది మరణించారు. పలువురు గాయపడ్డారు. ఆ తర్వాత కాల్పులు జరిపిన వ్యక్తి కూడా ఆత్మహత్య చేసుకున్నాడని దర్యాప్తు అధికారులు తెలిపారు. ఈ దాడిలో ఆ దుండగుడు మందుగుండు సామాగ్రిని ఉపయోగించాడు. దానిపై రష్యన్‌ భాషలో 'విద్వేషం' అని రాసి వుంది. కాల్పులు జరిపిన అనుమానితుడిగా భావిస్తున్న ఆ వ్యక్తి నాజీ చిహ్నాలు కలిగిన నల్ల టీషర్ట్‌ను ధరించాడని, ముఖానికి మాస్క్‌ వుందని అధికారులు తెలిపారు.