కాలిఫోర్నియా : నలుగురు భారత సంతతి వ్యక్తులు కిడ్నాప్‌ అయిన సంఘటన అమెరికాలోని కాలిఫోర్నియా రాష్ట్రంలోని మెర్సెడ్‌ కౌంటీలో జరిగింది. కిడ్నాప్‌ అయిన వారిలో 8 నెలల ఆడశిశువు, ఆమె తల్లిదండ్రులు కూడా ఉన్నారు. సౌత్‌ హైవే 59 బ్లాక్‌ 800 నుంచి వీరంతా కిడ్నాప్‌ అయ్యారు. వీధి వ్యాపారులు, రెస్టారెంట్లతో ఉన్న రహదారి నుంచి వీరు కిడ్నాప్‌ కావడం ఆందోళన కలిగిస్తుంది. దర్యాప్తు ప్రారంభ దశలో ఉందని, కిడ్నాపర్లు ఆయుధాలు ధరించి, ప్రమాదకరంగా ఉన్నారని పోలీసులు చెప్పారు. దంపతులు 36 ఏళ్ల జస్‌దీప్‌ సింగ్‌, 27 ఏళ్ల జస్లీన్‌ కౌర్‌, వీరి ఎనిమిది నెలల చిన్నారి ఆరోహి దేరితోపాటు 39 ఏళ్ల అమన్‌దీప్‌ సింగ్‌ కిడ్నాప్‌ అయినట్లు గుర్తించారు.