వాషింగ్టన్‌ : మెక్రోసాఫ్ట్‌ సీఈఓ సత్య నాదెళ్ల పద్మ భూషణ్‌ అవార్డును అందుకున్నారు. శాన్‌ఫ్రాన్సిస్కోలోని భారత కౌన్సల్‌ జనరల్‌ డాక్టర్‌ టివి నాగేంద్ర ప్రసాద్‌ ఈ అవార్డును సత్య నాదెళ్లకు అందచేశారు.
ఈ సందర్భంగా సత్య నాదెళ్ల మాట్లాడుతూ పద్మ భూషణ్‌ అందుకోవడం చాలా గౌరవంగా భావిస్తున్నానని, భారత ప్రజలకు సాంకేతికను మరింత చేరువ చేయడానికి వారితో కలిసి పనిచేయడం కోసం ఎదురు చూస్తున్నానని అన్నారు. ఈ అవార్డు ప్రకటించినందుకు భారత రాష్ట్రపతికి, ప్రధానమంత్రికి, భారత ప్రజలకు నాదెళ్ల కృతజ్ఞతలు తెలిపారు. వచ్చే ఏడాది జనవరిలో భారత్‌కు రానున్నట్లు చెప్పారు. ఈ ఏడాది ప్రారంభంలో సత్య నాదెళ్లతో సహా 17 మందికి పద్మ భూషణ్‌ అవార్డులు ప్రకటించిన సంగతి తెలిసిందే.
మీ స్నేహితులకు రికమెండ్ చెయ్యండి
