- 19 మంది మృతి, 26 మందిని కాపాడిన సహాయక సిబ్బంది
డుడుమా : టాంజానియాలో ఘోర విమాన ప్రమాదం జరిగింది. వాయువ్య నగరమైన బుకోబాలో ల్యాండ్‌ అవడానికి కొద్ది సేపటి ముందు ప్రతికూల వాతావరణంతో విక్టోరియా సరస్సులో ప్రెసిషన్‌ ఎయిర్ ఫ్లైట్‌ కూలిపోయింది. ఈ ఘటనలో 19 మంది ప్రాణాలు కోల్పోయారు. 26 మందిని సహాయక సిబ్బంది రక్షించి ఆసుపత్రులకు తరలించారు. విమానంలో చిక్కుకున్న మిగతా వారిని రక్షించేందుకు ప్రయత్నించారు. విమానంలో ఎంతమంది చిక్కుకుపోయారనే అంశంపై స్పష్టత లేదు. 43 మంది ప్రయాణికులతో టాంజానియాలోని డార్‌ ఎస్‌ సలామ్‌ నుంచి ఆ విమానం బయలుదేరినట్లు రీజనల్‌ కమిషనర్‌ తెలిపారు.
మీ స్నేహితులకు రికమెండ్ చెయ్యండి
