- నలుగురు చిన్నారులు సహా 9మంది మృతి
మాస్కో : రష్యాలోని ఆగేయ సఖాలిన్‌ దీవిలోని తైమోవ్‌స్కోరు గ్రామంలో ఐదంతస్తుల భవనంలో శనివారం తెల్లవారుజామున గ్యాస్‌ పేలుడు సంభవించింది. ఈ ఘటనలో నలుగురు చిన్నారులతోసహా తొమ్మిది మంది మరణించారని స్థానిక గవర్నర్ తెలిపారు. 1980ల్లో ఇటుకలతో నిర్మించిన ఈ భవంతిలో ఈ దుర్ఘటన చోటు చేసుకుంది. ప్రాథమిక సమాచారం ప్రకారం ఇది గ్యాస్‌ లీక్‌ అని భావిస్తున్నారు, పూర్తి వివరాలు తెలియాల్సి వుందని అత్యవసర సేవల మంత్రిత్వశాఖ తెలిపింది. ఈ పేలుడు ధాటికి పలు అంతస్తుల భవనాలు కుప్పకూలిన దృశ్యాలను రష్యా 24 టెలివిజన్‌ చానల్‌లో ప్రసారం చేశారు.
మీ స్నేహితులకు రికమెండ్ చెయ్యండి
