డమాస్కస్‌: సిరియా రాజధాని డమాస్కస్‌ పై ఇజ్రాయిల్‌ చేసిన వైమానిక దాడిలో ఇద్దరు పౌరులు మరణించారు. అంతకు ముందు కూడా సిరియాపైన ఇజ్రాయిల్‌ దాడి చేసింది. ఆ దాడిలో ఐదుగురు సైనికులు చనిపోయారు. సిరియాపై ఇజ్రాయిల్‌ చేస్తున్న దాడుల పరం పరలో అనేకమంది సిరియా పౌరులు గాయపడ్డారు. ఈ దాడులలో ఇద్దరు ఇరాన్‌ సైనికులు కూడా ప్రాణాలు కోల్పోయారు. ఆక్రమిత గోలాన్‌ హైట్స్‌ ప్రాంతం నుంచి ఇజ్రాయిల్‌ మంగళవారం ఉదయం మిసైళ్ళను ప్రయోగిం చిందని సిరియన్‌ అరబ్‌ న్యూస్‌ ఏజెన్సీ(సనా) తెలియజేసింది. ఈ దాడిలో ఇద్దరు వ్యక్తులు తమ ప్రాణాలను కోల్పోవటమే కాకుండా డమాస్కస్‌లో పెద్ద ఎత్తున ఆస్తి విధ్వంసం జరిగింది.
మీ స్నేహితులకు రికమెండ్ చెయ్యండి
