తెలంగాణ రచయితల సంఘం జంట నగరాలు, తెలంగాణ ప్రజా సాంస్కృతిక కేంద్రం సంయుక్త ఆధ్వర్యంలో గజవెల్లి దశరథ రామయ్య రాసిన 'అక్షర గుళికలు' గేయ కవితా సంపుటి ఆవిష్కరణ సభ ఈ నెల 20న సాయంత్రం 5 గంటలకు సుందరయ్య విజ్ఞాన కేంద్రంలో నిర్వహించనున్నారు. కందుకూరి శ్రీరాములు అధ్యక్షతన నిర్వహించే ఈ కార్యక్రమానికి ముఖ్య అతిథిగా డా|| నందిని సిథారెడ్డి రానున్నారు. అశ్వాపురం వేణుమాధవ్‌కు అంకితం ఇవ్వనున్న ఈ పుస్తకావిష్కరణ కార్యక్రమంలో విశిష్ట అతిథిగా నేటి నిజం సంపాదకులు బైస దేవదాస్‌, ఆత్మీయ అతిథులుగా తెలంగాణ సాహితీ ప్రధాన కార్యదర్శి, ఉపాధ్యక్షులు కె.ఆనందాచారి, తంగిరాల చక్రవర్తి, మోదుగుపూలు సంపాదకులు భూపతి వెంకటేశ్వర్లు, తెరసం జంట నగరాల ప్రధాన కార్యదర్శి బెల్లంకొండ సంపత్‌కుమార్‌, సాహితీ కిరణం సంపాదకులు పొత్తూరు సుబ్బారావు తదితరులు పాల్గొననున్నారు.