పల్లవి : పచ్చనోట్లు మేసేటి దున్న పోతోరు
నీ పళ్ళు రాలి పోతాయి ఉన్న చోటే (2)
పళ్ళు రాలితేముంది అయ్య బాబోరు
పెట్టుడుపళ్ళు కట్టించుకుంట చూడు బాబారు(2)

చరణం : టేబుల్‌ మీద ఫైళ్ళెన్నో పేరుకున్నవీ
తమ బాధలు తీర్చమని అరుస్తున్నవీ
టేబుల్‌ మీద ఫైళ్ళెన్నో పేరుకున్నవీ
తమ బాధలు తీర్చమని అరుస్తున్నవీ

అర్జీలన్నీ చూడటం మనవల్లకానిది
లంచమెవడు ఇస్తడో ఆ ఫైలుకదుల్తది
అర్జీలన్నీ చూడటం మనవల్లకానిది
లంచమెవడు ఇస్తడో ఆ ఫైలుకదుల్తది
(పచ్చనోట్లు)

చరణం : లోకమంత నీ తీరు చూస్తున్నది
లంచగొండి నువ్వనీ అంటున్నది
కడుపు కాలిందంటే నీపైనపడ్తది
బొమికలల్లో సున్నాన్ని రాలగొడ్తది

బల్లకింద చేయి నాకలవాటైనది
లంచం పుచ్చుకోలేదంటే దురదపెడ్తది
దున్నపోతు మీద వర్షం ఏ పాటిది
మంచి చెప్పబోతే నీ పెడచెవిన పెడ్తివి
(పచ్చనోట్లు)

చరణం : పేదలకే బతుకు భారమౌతుంటది
లంచాలు వెండికంచాలు వాళ్ళకేడివి
సర్కారీ నౌకరేమో నీకున్నది
సాయం చేసే గుణముంటే మంచిగుంటది

గడ్డి మేసే గుణమెమో నాకున్నది
నా అడుగుఅడుగులో కూడా అడుసున్నది
రొంపిలోన ఈ బతుకే హాయిగున్నది
ఏ గంగకూడా దీనిని కడగకున్నది
(పచ్చనోట్లు)

''దసరాబుల్లోడు'' చిత్రంలోని
''పచ్చగడ్డి కోసేటి పడుచుపిల్ల''
పాటకు పేరడి.
రచన: ''ఆచార్య ఆత్రేయ''
- డా. బి. బాలకష్ణ,
సెల్: 9948997983